შაორის ტბა

შაორის გარშემო ხშირი ტყით დაფარული ნაქერალას ქედია. აქ ყველა სეზონზე შეგიძლია ამოხვიდე, თუმცა ტბა განსაკუთრებით ლამაზია შემოდგომაზე, როდესაც ლაჟვარდისფერი წყალი ტყიდან ყვითელს, მეწამულსა და ნარინჯისფერს ირეკლავს.

შაორის შემოგარენი დასვენებისთვის შესანიშნავი ადგილია. ტბა განსაკუთრებით ეკოტურიზმისა და თევზაობის მოყვარულებს იზიდავს. აქ კამკამა წყალში იცურავებ, ნავით ისეირნებ, ითევზავებ, ტყეში სოკოს, კენკრას დაკრეფ და ნაქერალას მწვერვალზე ლაშქრობას მოაწყობ.