სამოგზაურო დაზღვევა
საქართველოში შემოსვლისთვის მოქმედი სამოგზაურო დაზღვევის დამადასტურებელი დოკუმენტი
2026 წლის 1 იანვრიდან საქართველოში მოგზაურობისას მოქმედი სამოგზაურო ჯანმრთელობის დაზღვევის დამადასტურებელი დოკუმენტის (Travel Insurance) წარდგენა საზღვარზე სავალდებულოა. დოკუმენტი შეიძლება წარმოდგენილი იყოს როგორც ბეჭდური, ასევე ელექტრონული ფორმით.
დაზღვევის სერტიფიკატი უნდა იყოს შედგენილი ინგლისურ ან ქართულ ენაზე.
დაზღვევის სერტიფიკატი უნდა ფარავდეს საქართველოში ყოფნის მთელ პერიოდს და აუცილებლად უნდა შეიცავდეს შემდეგ ინფორმაციას:
დაზღვეული პირ(ებ)ის სახელი და გვარი
დაზღვევის მოქმედების არეალი
დაზღვევის მოცულობა
დაზღვევის მოქმედების დაწყებისა და დასრულების თარიღები
დაფარული რისკები
დაზღვეული თანხის ოდენობა
მინიმალური სადაზღვევო თანხა შეადგენს 30,000 ლარს (დაახლოებით 10,000 ევროს).
დაზღვევის სერტიფიკატი შეიძლება გაცემული იყოს როგორც ქართული, ასევე უცხოური სადაზღვევო კომპანიის მიერ.
სამოგზაურო დაზღვევის მიღებაში დახმარება
მოგზაურებს, რომლებსაც ჩვენთან აქვთ დაჯავშნილი მოგზაურობა და არ არიან დარწმუნებულნი, შეიცავს თუ არა მათი სადაზღვევო სერტიფიკატი ყველა საჭირო ინფორმაციას, ვთავაზობთ ადგილობრივი სადაზღვევო კომპანიის მეშვეობით დაზღვევის დამადასტურებელი დოკუმენტის გაფორმებას.
ეს უზრუნველყოფს, რომ სადაზღვევო სერტიფიკატი აკმაყოფილებდეს დადგენილ მოთხოვნებს და შეიცავდეს ყველა აუცილებელ ინფორმაციას.
დაზღვევის ღირებულება დამოკიდებულია მოგზაურობის ტიპზე: სტანდარტული მოგზაურობა სასტუმროში ან საოჯახო სასტუმროში განთავსებით, ან სალაშქრო ტური, რომელიც მოიცავს კარავში მინიმუმ ერთი ღამით დარჩენას. ეს უკანასკნელი მიეკუთვნება „სათავგადასავლო მოგზაურობის“ კატეგორიას, და მისი ღირებულებაც შესაბამისად, განსხვავდება სტანდარტულისგან.